Morgunhugleiðingar!

Alltaf gott að hugsa á morgnana og þá er gott að skrifa eitthvað.

Ég setti mynd sem ég tók upp á Fiskiðjunni gömlu í sumar, en ég var að vinna hjá málarameistara, góðum manni sem sýndi mér mikla þolinmæði og er ég honum ævinlega þakklátur.

En síðan ég hætti hjá téðum málara hef ég lítið fengið að gera, annað en að hjálpa frúnni minni í hennar vinnu, þar að segja að lesa af mælum í húsbyggingum hér í Eyjum.

Þetta fer að vera þrúgandi ástand, maður á að vera sjálfbær! Ekki þiggja bætur, enn ég fæ það á tilfinninguna að atvinnurekendum sé bara slétt sama um það hvort ég hafi vinnu eður ei!

Ég er meira að segja búin að spyrja menn um vinnu hjá,sem mig langar alsekki vinna hjá!

Jæja, ég verð bara að bíta í það súra epli,er þetta ekki bara röfl í manni, kannski á ég að sammast mín fyrir svona skrif? Ekki eru veikindi að hrjá mig og mína!

Góðar stundir kæru lesendur.