Morgunn stund gefur gull í mund

Hann er nokkuð fallegur þessi morgunn, er ég og vinnufélagi minn hann Kristján kenndur við Flatir hér í bæ, fórum niður að höfn kl hálf fjögur í nótt til að taka við endum á Brúarfoss.

Veðrið er norðan kaldi, en léttskýjað, og fallegt um að lýta á Eyjunni fögru.

Annars er allt mjög gott að frétta hjá okkur í Eyjum, makríll veiðist hjá flottrollurum, gámabátar eru að kroppa, en verst er hvað ferðafólki hefur fækkað, og ekki bætir það þegar Land-Eyjahöfn er lokuð fyrir báta umferð.

Jæja þetta er gott í bili eftir svona langt hlé. 

Athugasemdir

[Sigmar Þór Sveinbjörnsson, 13.7.2010 kl. 00:26]

Heill og sæll bloggvinur, hvenær ætlarðu að koma aftur á fullu inn í bloggið  

[Helgi Þór Gunnarsson, 13.7.2010 kl. 23:50]

Sæll og Blessaður Sigmar, þakka þér fyrir innlitið.

Hvenær ég ætla að byrja að blogga aftur, er nú erfitt að segja né þegja, :-)

Það er nú bara þannig að hjá höfninni er búið að vera mikill erill, hafnarverðir í sumarfríum og svo var á haustmánuðum og í vetur fækkað um eitt og hálft stöðugildi, þannig að oft var ekki sofið mikið í síðasta mánuði, svo bloggið hefur setið á hakanum, því miður.

En kemur betri tíð með blóm í haga, hver veit nema ég taki upp lyklaborðið og fari að semja blogg.

Sigmar, ég bið að heilsa þér og þinni fjölskyldu, héðan frá Eyjunni fögru.