Brælumorgunn

Ekki er nú gott veður í dag frekar en í gær, og get ég ímyndað mér að Herjólfur gæti ruggað svona eins og myndin hér til hliðar sýnir, þessi mynd er tekin upp í Þorlákshöfn. Það hafa ekki alltaf verið dans á rósum í siglingum til Þorlákshafnar, og eru til margar tilvitnanir í þá veru, þannig að andstæðingar Landeyjarhafnar ættu að horfa á söguna áður en þau gaspra út í loftið svartsýnis röddum.

Athugasemdir

[Jóhann Elíasson, 6.3.2011 kl. 14:30]

Helgi minn, eigum við ekki að horfa í það að í svona veðri yrði ófært í Landeyjahöfn.  Eins og tíðarfarið hefur verið undanfarið hefðu ekki verið farnar margar ferðir í Landeyjahöfn í Janúar og Febrúar, þótt hefði verið búið að "dýpka" þar...............

[Helgi Þór Gunnarsson, 7.3.2011 kl. 00:40]

Sæll Jóhann, ég ætla bara rétt að vona að svo verði ekki, því eins og við vitum á Landeyjahöfn að vera framtíðarhöfn fyrir Eyjar.

[Jóhann Elíasson, 8.3.2011 kl. 10:43]

Þá er ég hræddur um að margt þurfi að breytast og kostnaðurinn við þær breytingar yrði væntanlega gríðarlega mikill og því miður held ég að þær aðgerðir yrðu svipaðar og ef einhver pissar í skóinn sinn, það er sæmilega notalegt meðan hlandið er enn volgt en svo versnar í því þegar hlandið kólnar og að lokum verða hlutirnir bara verri.  Ég hef alltaf haldið því fram að þið Eyjamenn eruð FÓRNARLÖMB í þessu Landeyjahafnarævintýri og það er ekkert komið fram sem breytir þessari afstöðu minni og frekar hefur þessi skoðun mín styrkst eftir því sem tíminn líður.

[Helgi Þór Gunnarsson, 8.3.2011 kl. 11:23]