Tímamót

Það má nú alveg segja að um þessar mundir eru viss tímamót hjá mér, því eftir að ég "hætti á sjó" þá er ég loksins komin í fasta vinnu sem mér líkar og það bara vel, vissi ég allvel hvernig netavinna færi fram, en það kom mér þægilega á óvart hvað netaverkstæðisvinna er skemmtileg, og ekki skemmir hvað vinnufélagarnir er fínir, góður andi (mórall) og sjálfsagt svífur andi Ingólfs heitins þarna um loftin.

Það er nóg um að vera hér í Eyjum fyrir þessi jól, eins og alltaf, mjög margir viðburðir, svo ef maður vill er viðburðir meira að segja í miðri viku. Við hjónin fórum á Frostrósir hér í Eyjum 7 des, og þau klikkuðu ekki frekar en fyrir daginn, nema í fyrra, þá komu þau bara ekki.    

Svo verð ég að minnast á jólahlaðborðið hjá Einsa kalda og Höllin, við vorum þar á laugadagskvöld, og það er vægast sagt snilld, Einar Björn og Gunnar eru snillingar í svona veislum.

Svo í tilefni þess að það eru að verða þrjú ár með hléum síðan ég hætti á sjó, þá læt ég hér fylgja gamla mynd af mér og strákunum á Sighvati Bjarnasyni VE 81.

Athugasemdir

[Sigmar Þór Sveinbjörnsson, 21.12.2011 kl. 20:48]

Heill og sæll kæri vinur, það er gott að heyra að þú sért nú kominn í fasta vinnu og líkar vel, það er fyrir öllu. Já það er örugglega gaman að vinna við netagerð, þar sem maður er í tengslum við sjómenn og gamla félaga.

Við óskum þér og þínum gleðilegra Jóla og gæfuríks komandi árs

hafið það alltaf sem best

Kær kveðja úr Kópavogi

[Sigmar Þór Sveinbjörnsson, 21.12.2011 kl. 20:49]

Flott myndin af ykkur í sjógallanum

[Helgi Þór Gunnarsson, 26.12.2011 kl. 06:54]