Hvað er vandamálið?????

Ég skil ekki hvaða vesen þetta er á þessum stjórnsýslumönnum og konum, það er til aragrúi af síldar-nótaefni um allt land, að minnstakosti eru það til hér í Eyjum, og eru menn í sjávarútvegs-fyrirtækjunum ekki að nota allt þetta nótarefni, meira að segja er til nót hjá Ísfélag Vestmannaeyja sem kveikt var í fyrir tveim árum, en með einni slíkri nót væri hægt að loka fyrir allan Kolgrafarfjörðin.

Möguleg lokun Kolgrafafjarðar rædd

Eðlislega vilja þeir það ekki!!!!!

Ef Færeyingar eru líkir okkur þá hugsa þeir sjálfstætt.

Færeyingar fallast ekki á tillögu ESB

Samgöngubull !!!!!

Oft er maður pirraður yfir samgöngum á sjó til Eyja, en núna stendur þannig á að tengdaafi minn verður borinn til grafar í dag og þannig hátta að nokkrir fjölskyldumeðlimir og vinir gamla mannsins ætluð sér að koma í dagsferð til Eyja, og votta Alla virðingu sína.

Nei! Hinir háu herrar í stjórnkerfinu og sjálfsagt pólitíkusar líka sem stjórna því hvernig er komið fyrir okkur í sjósamgöngum!

Ekki er þessi mynd hér til hliðar beint tengd þessu röfli mínu, en þessi ferja átti að smíða er bankahrunið skall á, og sem betur fer hættu þeir við að láta smíða þetta skip, og vonandi dregst nýsmíði á langinn.

Andlát

Alfreð Einarsson (Alli í Lifró) andaðist á Hraunbúðum fyrsta október síðastliðin.

Er þar gengin til ferðrana sinna öldungur saddur lífdaga, búin að skila sínu með sóma.

 Það eru ekki nema 24 ár síðan ég varð þeirra gæfu njótandi að kynnast Alla, en ég hef vitað af honum alla mína tíð, en Halli föður afi minn vann hjá Alla í Lifrasamlagi Vestmannaeyja lengi vel. 

Ég varð þeirra ánægju njótandi að fá að vinna með Alla í Lifró, að vísu í stuttan tíma en góðan tíma.

Ekki get ég skrifað minningargrein um Alla nema þá að nefna það hversu haleikin hann var, það bókstaflega lék allt í höndunum á honum kallinum, og sýnist mér það ganga í erfðir í fjölskyldunni.

Alfreð Einarsson var mikill víkingur, sannur höfðingi í sinni ættkvísl 

Goslokahátíð :-)

Gleðilega goslokahátíð kæru blogglesendur, ég læt fylgja mynd af húsi ömmu og afa í föðurætt, sem þau bjuggu í fyrir gos og fór undir hraun í tilefni 40 ára gosloka.

Við hjónin fórum á tónleika í gærkveldi með Lúðró og Fjallabræðrum, og verð ég að segja það að þessir tónleikar voru hreint út sagt frábærir, enda náðist auðvita upp ekta þjóðhátíðar stemning, það var svaka fjör. 

Hátíðin er hálfnuð, þannig að það er nóg eftir af viðburðum, en fjörið byrjaði á miðvikudagskvöld.

Góðar stundir gott fólk.

Terrorist!

Ekki spurning? Stinga kauða inn í fangelsi eins og skot!

Níddist Bismarck á íslenskri náttúru?

Samgöngur við Eyjar!!!!

Ekki er ein báran stök í samgöngumálum okkar Eyjamanna, við getum ekki skilað gestum okkar í land!

Það hefði sjálfsagt verið of dýrt að láta Herjólfshúsið upp í Þorlákshöfn standa autt í sumar, já en það er líka dýrt fyrir þjóðarbúið að fella niður ferðir tvo daga í röð!

Þetta er náttúrulega argasta bull, það mesta furða hvað fólk er rólegt yfir þessu ástandi í samgöngumálum!

Það var snilldar aðgerð hjá samgönguyfirvöldum með ráðningu forseta bæjastjórnar í stöðu rekstrarstjóra Herjólfs hjá Eimskip!

Ég segi það og skrifa: Samgöngur eiga ekki undir neinum kringumstæðum að vera einkareknar!!!!!

Góðar stundir gott fólk.

Sjómenn til hamingju með daginn!

Við hjónin vorum að koma frá hátíðarhöldum niður á Stakkagerðistúni í fínasta veðri, svolítið kalt, en svo þegar sú gula lét ljós sitt skína þá hitnaði vel í fólkinu.

Hátíðarræðuna flutti Ásmundur Friðriksson nýjasti þingmaður okkar sunnlendinga, mér fannst og finnst ennþá ræðan hans Ása góð, og mikið finnst mér ási vera með líkan talanda og Einar í Betel frændi hans.

Svo finnst mér frændi Ása, hann Snorri Óskarsson góður ræðumaður, það er nú margt líkt með skyldum.

Ég fylgdist með kappróðri í gær niður á höfn, og verð ég að viðra þá skoðun mína að róður er á undanhaldi hér í Eyjum, róðralagið er ekki gott, sér í lagi hjá karlmönnum, en Ísfélags konur slógu í gegn að mínu mati, það var fallegt róðralag hjá þeim, kannski ekki nógu samtaka á borðin en góðar samt. Stýrimaður hjá Ísfélags konum er Benóný Gíslason Piparsveinn með meiru. 

Gott mál!

Þá er það komið í ljós hvað við bæjabúar viljum, þó ég hafi sagt "já" þá er ég ánægur með að bæjarstjórn leyfi okkur bæjabúum að taka þátt í þessu skipulagsmáli á sem mestan lýðræðishátt.

Eyjamenn hafna hóteli

Eimskip (Herjólfur)

Ég hef verið að velta því fyrir mér af hverju þjónustan hjá Eimskip gagnvart Herjólfi er eins og hún er?

Málið er að ég hef verið háseti um borð í Herjólfi margoft og þar af leiðandi þekki ég aðstæður sem áhöfnin er í gangvart þjónustu við farþega, í allflestum eða eiginlega öllum tilfellum er áhöfnin að allra vilja gerð til að fólki líði vel um borð í skipinu.

Hvað er þá að? sá sem hefur lesið hingað spyr sig væntanlega, en málið er að mínu mati sölukerfið!

Mér finnst allavega skrítið þegar þeir hjá Eimskip ákveða hvað marga eða eða hvort á að flytja engan gám á milli lands og Eyja, þá virðist eins og boðleiðirnar séu umhverfis jörðina, því það eru biðlistar sem eru tæmdir og gott betur en það, það komast kannski um tuttugu bílar í viðbót!

Mér hefur dottið í hug að Eyjamenn ættu svo mikla peninga að þeir pöntuðu og borguðu, en mættu svo ekki í skipið, en ég held að það sé svolítið langsótt.

Ég man eftir því þegar ég var um borð í Herjólfi sem háseti, þá var þetta vandamál á sunnudögum, en þá var siglt í Þorlákshöfn og var afsökunin upp í húsi að það hafi gleymst að taka gámana út úr kerfinu, það er nefnilega aldrei fluttir gámar á sunnudögum.

Þegar það gerist að biðlistar tæmast svona og rúmlega það, hlýtur það að vera bókunarkerfið hjá Eimskip sem veldur þessu vandamáli, sem er að mínu mati ekki góð þjónusta við farþega Herjólfs, það er t.d. bagalegt að keyra alla leið frá Reykjavík upp á óvon með pláss fyrir bílinn!